Telefon nömrələrinin magiyası

 

Telefon alarkən, onun nömrəsini seçmək daha uzun sürür. Gözəl və yadda qalan, eyni zamanda uğurlu bir nömrəyə sahib olmaq hamımızın ürəyindən keçir. Numerologiya (rəqəmlər haqqında xüsusi əbcəd elmi) bizim gündəlik “sirdaşımız” olan telefondan da yan keçməyib. Amma çoxumuz onu da bilmirik ki, təsadüfən və ya bilərəkdən seçdiyimiz nömrələr bizim həyatımıza və gələcək işlərimizə təsir edir. Həyatda heç nə təsadüfi deyil. Telefon nömrəsində olan hər bir rəqəm özündə xüsusi enerji və informasiya daşıyır. Hər birimiz nömrə alarkən nəyəsə uyğun olaraq və ya nəyisə düşünərək alırıq. Bəzi insanlar ad gününə uyğun, kimisi ev nömrəsinə uyğun alır. Bəziləri buna heçdə önəm vermir və necə gəldi adi bir nömrə alır. Amma İndiki dövrdə buna ən çox önəm verən xanımlarımızdır. Onlar hər şeydə seçilməyi xoşladıqları kimi nömrə alarkəndə, mütləq yadda qalan nömrələr alırlar.

Telefon numerologiyası həm mobil, həm də ev telefonlarına aiddir. Telefon nömrənizin kodunu tapmaq üçün
Qayda:

Nömrənin əvvəlindəki operator və ya ölkə kodunu (050, 055, 070, 012) nəzərə almırsınız. Və nömrədəki digər rəqəmləri toplayırsınız:
Məs: 212-31-45
Nömrəsində hesablanmaq üçün:
2+1+2+3+1+4+5=18
Rəqəm cüt alındığı üçün onu tək rəqəmliyə çevirməli, yəni bir daha toplamalıyıq: 1+8=9.
Əgər sizdə ilkin nəticə 1-dən 9-a kimi alındısa, o zaman əsl kod odur.

İndi isə alınmış kodun mənası:

1. Bu nömrə şəxsi yüksəliş üçün uğurludur. Həm aktiv, həm də qeyri-aktiv hərəkət və planlarda əla yardımçıdır. Hər hansı yeniliyə və dəyişikliyə imza atmaq istəyirsinizsə, belə kodlu telefon nömrəsinə sahib olun.
2. Bu nömrə ilə istənilən çətin əlaqələri bərpa etmək və sövdələşdirmələrə nail olmaq mümkündür. Həyatınız harmonik tərzdə davam edəcək.
3. Kommersiya, turizm və şou-bizneslə məşğul olnlar üçün uğurlu nömrədir. Eləcə də jurnalist və reklamvericilər üçün düşərlidir. Bir sözlə, incəsənətə meyilli bir nömrə.
4. Ciddi və xeyli zəhmət tələb edən işlərdə çalışanların əməyini az da olsa yüngülləşdirər. Bir qədər ağıryüklü nömrədir.
5. Sevgi münasibətlərini müsbət məcaraya yönəltmək üçün əla nömrədir. Sevənlərə əvəzsiz yardımçı ola bilər.
6. Problemlərin həll olunması, məsləhətləşmələr və xeyirli bir təklif almağa hesablanıb. Çox əziz adamınıza belə bir nömrə hədiyyə etsəniz, pis olmaz.
7. Biznes və maliyyə, uzunmüddətli müqavilə və danışıqlar üçün uğursuz nömrədir. İstənilən işi düyünə sala bilər.Bu nömrə filosoflar, elmi işçilər mistika və magiya ilə məşğul olanlar üçün məsləhətdir.
8. Alış-veriş, ticarət üçün xeyirli nömrədir. Alıcı və satıcıları cəlb edə bilər. Həm də sahibinin avtoritetini artıracaq.
9. Ruh mənəvi təkmilləşməyə can atan, psixoloji rahatlıq axtaranlara məsləhətdir. Din xadimləri, dindarlar üçün ideal nömrədir. Zehni aydınlaşdırır.